Joriy yilning 18-mart kuni xalq deputatlari shahar Kengashiga 12-Jasorat saylov okrugidan saylangan deputat D.Bahranova va shahar Kengashi kotibiyat bosh mutaxassisi M.Xudayberdiyevalar tomonidan Geolоg mahallasi hokim yordamchisi hamda xotin-qizlar faolining faoliyati o‘rganildi. O‘rganish natijasida Geolоg mahallasida hokim yordamchasi tomonidan 10 ta kambag‘al oilaning 2 nafari doimiy ishga joylashtirilganligi, 2 ta kambag‘al oilaga kredit olib berilganligi, 1 ta kambag‘al oila tadbirkorlikka yo‘naltirilganligi, xotin- qizlar faoli tomonidan mahalladagi 4500 nafardan ortiq xotin –qizlar “Ayollar daftari”ga kiritilishi uchun xatlovdan o‘tkazilganligi, ajrim yoqasidagi 3 ta oila yarashtirilganligi aniqlandi.Deputat tomonidan hokim yordamchisiga Geolоg mahallasining ishsiz fuqarolarini bandligini ta’minlash, tadbirkorlik faoliyatini yo‘lga qo‘ymoqchi bo‘lgan fuqarolarga ko‘maklashish, kambag‘al oilalar restiriga kiritilgan oilalarni kambag‘allikdan chiqarish choralarini yanada jadallashtirish hamda xotin-qizlar faoliga xotin-qizlarni qo‘llab-quvvatlash, ularning bandligini ta’minlash, tadbirkorlikka jalb etish, ijtimoiy himoyaga muhtoj oilalar bilan ishlash bo‘yicha tavsiyalar berildi.