🔹Avval xabar qilinganidek, Xalq deputatlari Marg‘ilon shahar Kengashi deputati A.Ermatov tomonidan “Zuxro” MFY hududida joylashgan 36-maktabgacha ta’lim tashkilotida olib borilayotgan mukammal ta’mirlash ishlari deputat nazoratiga olingan edi.

🔹Mazkur jarayonning davomi sifatida deputat A.Ermatov kotibiyat bosh mutaxassisi Z.Yakubova hamrohligida obyektga yana borib, amalga oshirilayotgan ishlar holatini yana bir bor o‘rgandi.

🔹Nazorat davomida qurilish-ta’mirlash ishlarining bugungi holati, bajarilgan ishlar sifati, belgilangan muddatlarga rioya etilishi hamda foydalanilayotgan qurilish materiallarining talab darajasida ekanligi ko‘zdan kechirildi.

🔹Shuningdek, pudrat tashkiloti — “TEXNO GEO STROY” MCHJ mas’ullari bilan olib borilgan muloqotda ishlarning joriy bosqichi, aniqlangan kamchiliklarni bartaraf etish va obyektni o‘z vaqtida topshirish masalalari muhokama qilindi.

🔹Deputat tomonidan ilgari berilgan tavsiyalar ijrosi yuzasidan ham o‘rganish olib borilib, qurilish jarayonining sifatli va shaffof tashkil etilishi yuzasidan qo‘shimcha tavsiyalar berildi.

🔹Mazkur obyekt bo‘yicha deputat nazorati davom ettiriladi.