Xalıq deputatları Qaraózek rayonlıq Keńesiniń jergilikli byudjet, ekonomikalıq reformalardı ámelge asırıw, investiciyalar hám isbilermenlikti rawajlandırıw máseleleri boyınsha turaqlı komissiyasınıń gezektegi májilisi bolıp ótti. 

Májiliste Qaraózek rayonı hákiminiń birinshi orınbasarı B.Ayapbergenovtıń Ózbekstan Respublikası Prezidentiniń 2025-jıl 26-dekabrdegi PQ-387-sanlı qararı tiykarında Qaraózek rayonı boyınsha 2026-jıl ushın tovarlardıń ayırım túrleri menen usaqlap satıw huqıqı ushın jıyımlardıń sheklengen stavkalarına arttırılatuǵın koefficientlerdi qollanıw haqqında usınısı oqıp esittirildi. Sonday-aq, rayon hákimliginiń bir qatar usınısları kórip shıǵılıp, bul máseleler boyınsha deputatlar hám ekspert, jaslar másláhát toparı wákilleri óz pikirin bildirdi. Turaqlı komissiya májilisi sheshimi menen dáslepki tárizde kórilgen máseleler gezektegi sessiya kún tártibine kórip shıǵıw ushın usınılıwı belgilendi.