Bugun 27-Charxin saylov okrugi deputat F.Turayev hududidagi savdo majmualarida bo‘lib, aholiga taqdim etilayotgan mahsulotlar sifati hamda ularning narx-navosini o‘rgandi. O‘rganish davomida savdo rastalaridagi oziq-ovqat mahsulotlarining saqlanish sharoiti, yaroqlilik muddati va sanitariya talablariga rioya etilishi alohida e’tiborga olindi.

Shuningdek, iste’molchilar uchun muhim bo‘lgan narxlarning asosliligi, bozordagi umumiy narxlar bilan mosligi ham tahlil qilindi. Ayrim kamchiliklar yuzasidan mas’ullarga tegishli ko‘rsatmalar berilib, ularni bartaraf etish bo‘yicha aniq vazifalar yuklatildi.

Bu kabi o‘rganishlar aholining sifatli va hamyonbop mahsulotlarga bo‘lgan ehtiyojini ta’minlashda muhim ahamiyat kasb etadi.