Mahallada issiqxona tashkil qilgan S.Sultonov xonadonida boʻlishdi. Fuqaro hokim yordamchisi tomonidan 2 sotix issiqxona tashkil qilish uchun olib berilgan imtiyozli kredit asosida faoliyatini boshlagan boʻlib, bugungi kunda issiqxonasida limon koʻchatlari va pomidor koʻchatlari ekilgan. Bugungi kunda issiqxona faoliyatidan yillik daromad 20-30 mlndan oshgan, tadbirkor faoliyatini kengaytirish borasida mahalla faollari bilan ishlamoqda. Shuningdek, xonadonda quyon va tovuqlar ham parvarishlanmoqda. Mazkur oʻrganishlarda tomorqasidan samarali foydalanayotgan fuqarolarning namunali faoliyatini hududda keng ommalishtirish borasida chora-tadbirlar belgilandi.