Xalq demokratik partiyasi Vobkent tumani Kengashi partiya deputatlik guruhi tomonidan Oʻzbekiston Respublikasi Prezidentining 2025-yil 8-maydagi “Nogironligi boʻlgan shaxslarning bandligini taʼminlash tizimini takomillashtirishga oid qoʻshimcha chora-tadbirlar toʻgʻrisida”gi PF-85-son Farmonning Vobkent tumanidagi ijrosini oʻrganish maqsadida tuman kambagʻallikni qisqartirish va bandlikka koʻmaklashish boʻlimida jamoatchilik monitoringi oʻtkazildi...

 Mazkur oʻrganishning asosiy maqsadi — nogironligi boʻlgan shaxslarning rasmiy bandligini taʼminlash, inson resurslarini rivojlantirish, mehnat bozorini isloh qilish, bandlikning zamonaviy shakllarini tatbiq etish, nogironligi boʻlgan shaxslarning munosib mehnat munosabatlarini keng joriy qilishdan iborat.

 Oʻrganish davomida boʻlim tomonidan aholini daromadli mehnat bilan taʼminlash va tadbirkorlikka jalb qilish boʻyicha amalga oshirilayotgan ishlar, raqamli platformalarga kiritilayotgan maʼlumotlar bazasi, ochiq ish oʻrinlari holati kabi masalalar oʻrganilib, mavjud kamchiliklarni bartaraf etish yuzasidan tavsiyalar berildi.