Xalq deputatlari Ishtixon tumani Kengashi deputati Abdurazzaqova Zebo Safarovna tomonidan 2026-yil 18-mart kuni Ishtixon tumani Obodonlashtirish boshqarmasi boshlig‘ining birinchi o‘rinbosari A.Ibragimov nomiga deputat so‘rovi yuborildi.

Mazkur so‘rov aholi hamda “mahalla yettiligi” bilan o‘tkazilgan uchrashuvlar davomida kelib tushgan murojaatlar asosida shakllantirildi. Unda “Do‘stlik” mahallasi Yangiravot qishlog‘i ichki ko‘chalarining nosoz holati, ayniqsa yog‘ingarchilik paytida yuzaga kelayotgan muammolar ko‘tarilgan.

🔹 Ko‘chalarda yomg‘ir suvlari to‘planib, ko‘lmaklar hosil bo‘layotgani

🔹 Aholining erkin harakatlanishida qiyinchiliklar yuzaga kelayotgani

🔹 Hudud infratuzilmasini yaxshilash zarurati

kabi masalalar deputat so‘rovida alohida ta’kidlangan.

🛠 Deputat tomonidan mazkur hududni joyiga chiqib o‘rganish hamda ichki ko‘chalarni ta’mirlash bo‘yicha amaliy choralar ko‘rish yuzasidan tegishli takliflar bildirildi.

⏳ Qonunchilikka muvofiq, deputat so‘roviga 10 kun muddatda javob taqdim etilishi belgilangan.

✅ Hududdagi mavjud muammolarni bartaraf etish, aholi uchun qulay sharoit yaratish masalasi doimiy e’tiborda bo‘lib qoladi.