Xalq deputatlari Ishtixon tumani Kengashi deputati Mutallib Raximov tomonidan Yangikent mahallasi hududida joylashgan 7-son davlat maktabgacha ta’lim tashkilotiga olib boruvchi yo‘lning holati yuzasidan deputat so‘rovi yuborildi.

Aholi bilan o‘tkazilgan uchrashuvlar davomida mazkur yo‘lning eski asfaltligi va ta’mirtalabligi, ayniqsa maktab bolalarining xavfsiz harakatlanishi uchun qiyinchiliklar tug‘dirayotgani ta’kidlandi. Shuningdek, 2025-yil boshida ham yo‘lni hashar yo‘li bilan ta’mirlash bo‘yicha deputatlik so‘rovi yuborilgan bo‘lsa-da, bugungi kungacha ishlar amalga oshmaganligi aholi e’tirozlariga sabab bo‘lmoqda.

📄 Rasmiy javob:

Ishtixon tuman Obodonlashtirish boshqarmasi boshlig‘ining birinchi o‘rinbosari A.Ibragimov xati bilan ma’lum qilinishicha:

• Yo‘l eski asfalt ko‘cha bo‘lib, ayrim qismlarini to‘liq asfaltlash zarur.
• Ushbu yo‘l 2026-yil rejasiga kiritilgan, ta’mirlash ajratiladigan mablag‘ga muvofiq amalga oshiriladi.

⚠️ Tanqidiy jihat: Rasmiy javobda ishlar faqat 2026-yil rejasiga kiritilishi bilan boshlanadi deyilgan, ammo hudud aholisi, ayniqsa maktabgacha ta’lim muassasasi bolalari uchun tezkor va xavfsiz harakatlanish sharoiti ayni paytda ham muhim.

💡 Deputat nazorati va chora:

Mazkur masala deputat nazoratida bo‘lib, yo‘lni texnik talablar asosida ta’mirlash va hudud aholisi uchun qulay sharoit yaratish yuzasidan amaliy chora-tadbirlar doimiy ravishda nazorat qilinmoqda.