2026-jıl 18-mart kúni Xalıq deputatları Taxtakópir rayonlıq Keńesi deputatı Z.Seytnazarova hám sekretariat bas qánigesi
A.Teńızbaevlar birgelikte, Taxtakópir rayonı 3-sanlı ayırım pánleri tereńlestirilip oqıtılatuǵın klassları bar ulıwma bilim beriw
mektebindegi sport zalları hám sport quralları menen támiyinlengenligi boyınsha úyreniw jumısların alıp bardı.
Deputat tárepinen úyreniwde, mekteptegi sport zallarınıń jaǵdayı, sport inventarları menen támiyinlengenlik dárejesi hám oqıwshılardıń dene shınıqtırıw menen shuǵıllanıwı ushın jaratılǵan sharayatlar kózden ótkerilip, mektepte sport inventarları jetispewshiligi bar ekenligi anıqlandı. Deputat Z.Seytnazrova anıqlanǵan mashqalanı qadaǵalawǵa alıp, tiyisli shólkemlerge
deputat sorawı shıǵarılatuǵınlıǵın aytıp ótildi.