Xalq deputatlari mahalliy Kengashlarning ijtimoiy tarmoqlardagi faoliyatini takomillashtirishga bagʻishlangan seminar tashkil etildi.

Seminarda mahalliy davlat hokimiyati vakillik organlari faoliyatida ochiqlik va shaffoflikni taʼminlash, ijtimoiy tarmoqlar orqali aholi bilan samarali muloqotni yoʻlga qoʻyish masalalari muhokama qilindi.

Tadbirda rasmiy sahifalarni yuritish, deputat faoliyati hamda sessiyalar jarayonini jamoatchilikka tezkor va xolis yetkazish boʻyicha tavsiyalar berildi. 

Ijtimoiy tarmoqlarda tizimli axborot siyosati yuritish mahalliy Kengashlar nufuzini oshirishi, fuqarolarning saylangan vakillarga boʻlgan ishonchini mustahkamlashida muhim ahamiyatga ega ekani taʼkidlandi.

Tadbir yakunida mahalliy Kengashlar faoliyatida raqamli koʻnikmalarni rivojlantirish va aholi bilan ijtimoiy tarmoqlar orqali faol muloqotni kuchaytirish boʻyicha tavsiyalar berildi.