O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qarori ijrosini ta'minlash maqsadida Xalq deputatlari Parkent tumani Kengashiga 21-Nevich saylov okrugidan saylangan deputat Yoqubova Xusnora Abduxamidovna o‘zi saylangan okrugdagi “Novdak” mahallasida bo‘lib, hududda “Mahalla yettiligi” tomonidan amalga oshirilayotgan ishlar bilan yaqindan tanishdi. Xususan, yoshlar yetakchisi tomonidan “Yoshlar daftari”ga kiritilgan yoshlarga ko‘rsatilayotgan yordamlar, amalga oshirilgan ishlar va o‘tkazilgan tadbirlar yuzasidan ma’lumotlar berildi. Joriy yil boshidan buyon 15 nafar yoshlarning bandligi ta’minlanganligi, shuningdek, nogironligi bo‘lgan yoshlar bilan ishlash, avtomototransport vositalari haydovchilarini tayyorlash o‘quv kurslari xarajatlarini qoplab berish, yo`nalishda 2 nafar yoshning tahsil olayotgani qayd etildi. Bundan tashqari, 3 nafar o‘quvchi-talabaning to‘lov-kontrakt summasini qoplab berish rejalashtirilgan. Yoshlarning safarbarlik chaqiruvi rezervidagi xizmatni bepul o‘tashi uchun esa 2 nafar yoshlar yuborilgan.