Xalq deputatlari Shirin shahar Kengashi Raisi U. Xaydarov va shahar Kengashi deputati M. Salimova tomonidan Mirzo Ulug‘bek mahallasi mahalla yettiligi faoliyati o‘rganildi.

O‘rganish jarayonida mahallada olib borilayotgan ijtimoiy-iqtisodiy ishlar, aholining muammolari, yoshlar bilan ishlash, bandlikni ta’minlash hamda ijtimoiy himoyaga muhtoj oilalarga ko‘rsatilayotgan yordam holati tahlil qilindi.

Xususan, “Yoshlar daftari”ga kiritish uchun murojaat qilgan 2 nafar fuqaro — 2026-yil 10-mart kuni Bozorov Otabek Ulug‘bek o‘g‘li hamda 2026-yil 24-fevral kuni Ro‘ziyev Sardor Abror o‘g‘lining arizalari “Yoshlar balansi” platformasi orqali belgilangan tartibda ijroga qaratilmaganligi ma’lum bo‘ldi.

Mazkur holatda O‘zbekiston Respublikasi Vazirlar Mahkamasining 312-sonli qaroriga muvofiq murojaatlarga 5 ish kuni ichida javob berilishi lozimligi belgilangan bo‘lsa-da, ushbu murojaatlar o‘z vaqtida ko‘rib chiqilmagan va kechiktirilgan.

Shuningdek, xotin-qizlar faoli faoliyati o‘rganilganda, O‘zbekiston Respublikasi Vazirlar Mahkamasining 145-sonli qarori asosida yuritilishi lozim bo‘lgan “Ayollar daftari”ning 7-bosqichi bo‘yicha individual dasturlar to‘liq ishlab chiqilmaganligi hamda ayrim holatlarda yakuniga yetkazilmaganligi aniqlandi.

Aniqlangan kamchiliklar yuzasidan mas’ullarga tegishli ko‘rsatmalar berilib, ularni bartaraf etish, hujjatlarni belgilangan tartibda yuritish hamda tizimli nazoratni kuchaytirish bo‘yicha aniq vazifalar belgilandi.