Xalq deputatlari Zarbdor tuman Kengashiga 8-Oybek saylov okrugidan saylangan deputat D.Ochilova tomonidan Zarbdor tuman Madaniyat bo‘limi faoliyati o‘rganildi.

O‘rganish jarayonida muassasada aholining madaniy hordiq chiqarishi uchun yaratilgan sharoitlar, jumladan konsert (faollar) zali faoliyati, unda o‘tkazilayotgan madaniy-ma’rifiy tadbirlar hamda san’at yo‘nalishidagi ishlar bilan yaqindan tanishildi.

Shuningdek, muassasa huzurida faoliyat yuritayotgan kutubxona faoliyati ham o‘rganilib, kitobxonlar uchun yaratilgan sharoitlar, mavjud kitob fondi hamda aholining, ayniqsa yoshlarning kitobxonlik madaniyatini oshirishga qaratilgan ishlar ko‘rib chiqildi.

O‘rganish davomida ayrim kamchiliklar ham aniqlandi. Jumladan, muassasa kirish qismidagi yo‘lni ta’mirlash, tomosha zalini ta’mirlash hamda badiiy adabiyotlar fondini boyitish zarurligi qayd etildi.

Mazkur masalalarni tegishli tartibda hal etish maqsadida deputat so‘rovi chiqarish belgilandi.

Xalq deputatlari Zarbdor tuman Kengashi kotibiyati