Bugungi kunda amalga oshirilayotgan tub islohotlar zamirida yoshlarning g‘oyalari, tashabbuslari, intilishlari va yutuqlari muhim o‘rin tutmoqda.

Shu munosabat bilan Do‘stlik mahallasida joylashgan 1-son texnikum yoshlari bilan uchrashuv o‘tkazildi. Uchrashuv davomida yoshlarning murojaatlari, takliflari va tashabbuslari tinglanib, yozib olindi.

Jumladan, Usmonov Miraziz Germaniya davlatida ishlash istagini bildirgan bo‘lib, nemis tilini o‘rganish imkoniyati yo‘qligi sababli bu masala yuzasidan tuman Yoshlar ishlari agentligiga ma’lumot berildi hamda ushbu o‘quvchiga amaliy yordam ko‘rsatish bo‘yicha choralar ko‘rilishi belgilandi.

Shuningdek, yoshlar va ularning ota-onalariga payshanba kuni “Yoshlar kuni” ekani, kun davomida turli muammo va takliflar bilan murojaat qilib, masalalarni hal etish mumkinligi tushuntirildi.