Xalq deputatlari Pastdarg‘om tuman Kengashi deputati N.Allayorova tomonidan Ilm mahallasida yashovchi aholi uchun ko‘rsatilayotgan tibbiy xizmat sifati o‘rganildi. Tashrif davomida mahalla fuqarolari bilan ochiq muloqot o‘tkazilib, ularning tibbiy xizmatdan foydalanish jarayonidagi muammolari va takliflari tinglandi.

Shuningdek, hududdagi tibbiyot muassasalarining faoliyati, aholiga yaratilgan sharoitlar hamda dori-darmon ta’minoti holati bilan yaqindan tanishildi. Fuqarolar tomonidan bildirilgan murojaatlar asosida mavjud kamchiliklarni bartaraf etish hamda tibbiy xizmat sifatini yanada yaxshilash bo‘yicha tegishli mas’ullarga tavsiyalar berildi.

Deputat aholi salomatligini muhofaza qilish eng ustuvor vazifalardan biri ekanini ta’kidlab, bu boradagi ishlar doimiy nazoratda bo‘lishini qayd etdi.