Учрашув давомида маҳаллада амалга оширилаётган ишлар, аҳолини қийнаётган долзарб масалалар ҳамда ҳудудни янада ободонлаштириш бўйича режалар муҳокама қилинди. Шунингдек, фуқаролар мурожаатларини ўз вақтида ўрганиш ва уларнинг ечимига амалий кўмаклашиш масалаларига алоҳида эътибор қаратилди.

Депутат томонидан билдирилган таклиф ва мурожаатларни тегишли тартибда ўрганиш, уларнинг ижобий ечимини таъминлаш бўйича зарур чоралар кўрилиши таъкидланди.

Бу каби учрашувлар аҳоли билан мулоқотни мустаҳкамлаш, жойлардаги муаммоларни бевосита ўрганиш ва уларни ҳал этишга хизмат қилади.