Bugun xalq deputatlari Pastdarg‘om tuman Kengashi deputati A.Abdumuratov tuman bozorlardan biriga tashrif buyurib, savdo rastalarini aylanib chiqdi. Tashrif davomida asosiy oziq-ovqat mahsulotlari narxlari, sotuvchilar faoliyati hamda xaridorlar uchun yaratilgan sharoitlar o‘rganildi.

Deputat sotuvchilar va xaridorlar bilan bevosita suhbatlashib, bozordagi narx-navoning shakllanishi, mahsulot yetkazib berishdagi muammolar hamda aholining taklif va mulohazalarini tingladi.

Ta’kidlanishicha, bunday o‘rganishlar bozorlardagi narxlar barqarorligini ta’minlash, aholining kundalik ehtiyojlari uchun muhim bo‘lgan mahsulotlar yetkazib berilishini yaxshilashga xizmat qiladi.

Tashrif yakunida mas’ullarga aniqlangan muammolarni bartaraf etish bo‘yicha tegishli tavsiyalar berildi.