12-Zarafshon saylov okrugi deputati A. Abdumuratov Pastdargʻom Abu Ali ibn Sino nomidagi jamoat salomatligi texnikumida bo‘lib, ta’lim muassasasidagi kutubxona faoliyati bilan yaqindan tanishdi.

Tashrif davomida kutubxonadagi adabiyotlar fondi, talabalarga yaratilgan sharoitlar hamda yoshlarning kitobxonlikka bo‘lgan qiziqishini oshirish bo‘yicha olib borilayotgan ishlar ko‘zdan kechirildi. Shuningdek, zamonaviy axborot-resurslari, elektron kitoblar bazasi va kutubxona xizmatlarini yanada rivojlantirish masalalari muhokama qilindi.

Deputat tomonidan ta’lim muassasasida kitobxonlik madaniyatini yuksaltirish, kutubxonalar faoliyatini takomillashtirish hamda yoshlar uchun yanada qulay sharoitlar yaratish bo‘yicha tavsiyalar berildi.

Yoshlar ma’naviyatini yuksaltirishda kutubxonalar muhim o‘rin tutadi!