Янгиқўрғон туман хокими, халқ депутатлари Янгиқўрғон туман Кенгаши депутати Нажмидинов Асадулла Икромовичнинг навбатдаги фуқаролар қабулида аҳолини қийнаётган қатор масалалар юзасидан мурожаатлар тингланди. Унда фуқаролар томонидан даволанаётган фарзанди учун моддий ёрдам, озиқ-овқат билан кўмаклашиш, даволаниш учун ордер ажратиш, йўлларни асфальтлаш, скутер олиш, бандликни таъминлаш, ичимлик суви таъминотини яхшилаш каби масалалар кўтарилди. Шунингдек, уй-жой қуриш учун ер, қурилиш материллари ажратиш, бола пули тайинлаш, дўкон очиш учун ер майдони ажратиш, тут парваришланаётган майдонда ноқонуний қурилишни бартараф этиш, оилавий ажрим билан боғлиқ муаммолар, маиший хизмат шохобчасини ташкил этиш каби масалалар юзасидан ҳам мурожаатлар бўлди.

Ҳар бир мурожаат атрофлича ўрганилиб, масъул ташкилот ва идоралар вакилларига тегишли топшириқлар берилди. Айрим масалалар , мурожаатлар ижрога олинди.