Xalq deputatlari Toyloq tumani Kengashining yigirma uchinchi sessiyasida “Suv yetkazib berish xizmati” davlat muassasasi direktori B. Ahadov tumanda suv resurslarini boshqarish, suv xo‘jaligi obyektlarining texnik holatini yaxshilash hamda suv tejovchi sug‘orish texnologiyalarini joriy etish bo‘yicha amalga oshirilgan ishlar yuzasidan hisobot berdi.

Sessiya davomida 11-saylov okrugidan saylangan deputat Azamat Usmonov Shoxkash qishlog‘idagi aholi xonadonlarida suv solig‘i miqdorining yuqoriligi sababli norozilik bildirgan bo‘lsa, 17-saylov okrugidan saylangan deputat O‘ktam Tangirov Bog‘izog‘on kanalining betonlashtirilishi sababli aholiga qo‘shimcha kanaldan suv yo‘naltirilishi masalasini so‘radi. Mas’ullar deputatlar tomonidan berilgan savollarga batafsil javob berdi.