Xalq deputatlari Ellikqal’a tuman Kengashi deputatlari Karimov O‘rinbay Tangribergenovich hamda Yusupova Muhabbat Ashirovnalar saylovchilar bilan uchrashuv o‘tkazdilar. 

Uchrashuv davomida hududda amalga oshirilayotgan ijtimoiy-iqtisodiy islohotlar, mahallalarda olib borilayotgan obodonlashtirish ishlari hamda aholini qiynab kelayotgan muammolar muhokama qilindi. 

Saylovchilar tomonidan yo‘l, ichimlik suvi, kommunal xizmatlar, bandlikni ta’minlash va ijtimoiy qo‘llab-quvvatlash masalalari yuzasidan turli taklif va murojaatlar bildirildi. 

Deputatlar fuqarolar tomonidan ko‘tarilgan masalalarni atroflicha o‘rganish, tegishli tashkilotlar bilan hamkorlikda ularni hal etish bo‘yicha zarur choralar ko‘rilishini ta’kidladilar. 

Uchrashuv ochiq muloqot ruhida o‘tib, aholining fikr va takliflarini tinglash hamda hududni yanada rivojlantirishga qaratilgan muhim tashabbuslar ilgari surildi.