Vodil MFYda “Ijtimoiy ko‘cha”ni tashkil etish bo‘yicha nazorat tadbiri o‘tkazildi

Farg‘ona tuman Kengashining qarori ijrosini ta’minlash va uning amalga oshirilishini o‘rganish maqsadida Vodil MFY Marg‘ilon ko‘chasining 800 metr qismini “Ijtimoiy ko‘cha”ga moslashtirish orqali nogironligi bo‘lgan shaxslar uchun qulay va xavfsiz piyodalar yo‘lagini tashkil etish masalasi yuzasidan tuman Kengashi kotibiyati boshchiligida nazorat tadbiri o‘tkazildi.

Nazorat tadbirida tuman Kengashi kotibiyati mudiri Sh.Raximov, kotibiyat bosh mutaxassisi O.Dadajonova, tuman hokimligi mas’ul xodimi U.Abduqodirov hamda “Inson” ijtimoiy xizmatlar markazi vakili O‘.Sattorov ishtirok etdi.

O‘rganish jarayonida mazkur hududda amalga oshirilayotgan ishlar, piyodalar yo‘laklarini nogironligi bo‘lgan shaxslar ehtiyojlariga mos ravishda tashkil etish, harakatlanish uchun qulay infratuzilmani shakllantirish hamda belgilangan vazifalarning ijrosi atroflicha ko‘rib chiqildi. Shuningdek, aniqlangan holatlar yuzasidan mas’ullarga tegishli tavsiya va ko‘rsatmalar berildi.

Mazkur nazorat tadbirlari qaror ijrosini samarali ta’minlash, aholi, ayniqsa nogironligi bo‘lgan fuqarolar uchun qulay va xavfsiz muhit yaratishga xizmat qiladi.

Telegram | Facebook | YouTube