Joriy yilning 16-mart kuni xalq deputatlari Zarafshon shahar Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi o‘tkazildi. Yig‘ilishda xalq deputatlari Zarafshon shahar Kengashining ijtimoiy soha, yoshlar siyosati, madaniyat va sport masalalari
bo‘yicha doimiy komissiyasi raisi D.Bahranova, kotibiyat mudiri E.Davlatov, kotibiyat bosh mutaxassisi R.To‘rayeva, komissiya a’zolari va shahar yoshlar bo‘limi rahbari Sh.Abdullayev ishtirok etdi. Yig‘ilishda shahar yoshlar bo‘limi rahbari Sh.Abdullayevning “Yoshlarga oid davlat siyosati to‘g‘risida”gi qonunining shahardagi ijrosi to‘g‘risidagi hisoboti tinglandi. Doimiy komissiya a’zolari yoshlar masalasi sohasida bajarilishi lozim bo‘lgan masalalar yuzasidan o‘zlarining taklif va mulohazalarini bildirishdi. Xalq deputatlari Zarafshon shahar Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan ushbu masalani xalq deputatlari shahar Kengashining navbatdagi sessiyasida ko‘rib chiqish
yuzasidan xulosa berildi.