Xalq deputatlari Ishtixon tumani Kengashi deputatlari U.Nurmuxamedov va J.Mavlyanov tomonidan hududdagi madaniyat muassasalari, jumladan muzeylar hamda kutubxonalar faoliyati holatini o‘rganish maqsadida joylarda o‘rganish ishlari olib borilmoqda.

Shu doirada deputatlar tomonidan tumandagi 21-son Bolalar musiqa va san’at maktabida o‘rganish o‘tkazildi. O‘rganish jarayonida muassasaning moddiy-texnik bazasi, o‘quv jarayonlari uchun yaratilgan sharoitlar, o‘quvchilarni musiqa va san’atga qiziqtirish borasida olib borilayotgan ishlar hamda binoning umumiy holati ko‘zdan kechirildi.

Shuningdek, muassasa rahbariyati bilan muloqot o‘tkazilib, faoliyat samaradorligini yanada oshirish, mavjud kamchiliklarni bartaraf etish hamda madaniyat muassasalarining faoliyatini yanada rivojlantirish yuzasidan fikr-mulohazalar bildirildi.