Xalq deputatlari Pastdarg‘om tuman Kengashi deputati Gulbahor Xoliqulova Lolazor mahallasi “yettligi” bilan hamkorlikni yo‘lga qo‘yib, mahalla fuqarolarining muammolarini o‘rganish maqsadida uchrashuv o‘tkazdi.

Uchrashuv davomida aholini qiynayotgan dolzarb masalalar, mahallani rivojlantirish, ijtimoiy yordam, bandlik hamda infratuzilmani yaxshilash bo‘yicha taklif va murojaatlar tinglandi. Fuqarolar o‘z fikr-mulohazalarini bildirib, mavjud muammolar yuzasidan savollar bilan murojaat qildilar.

Deputat tomonidan ko‘tarilgan masalalarni o‘rganish va ularning yechimi bo‘yicha tegishli tashkilotlar bilan hamkorlikda amaliy choralar ko‘rilishi ta’kidlandi.

Mahalla “yettligi” bilan hamkorlikni mustahkamlash, fuqarolarning muammolariga tezkor va samarali yechim topishda muhim omil bo‘lishi alohida qayd etildi.