Ijtimoiy soha va yoshlar siyosati masalalari bo‘yicha doimiy komissiyaning yig‘ilishi o‘tkazildi. Yig‘ilish davomida bir qator muhim masalalar ko‘rib chiqildi.

Jumladan, tumanda sanitar-epidemiologik holatni yaxshilash, chiqindilarni o‘z vaqtida olib chiqib ketish bo‘yicha amalga oshirilayotgan ishlar hamda tegishli bo‘limning 2025-yildagi faoliyati yuzasidan hisoboti tinglandi.

Shuningdek, hunarmandchilikni rivojlantirish bo‘yicha mavjud normativ-huquqiy hujjatlar ijrosi holati yuzasidan tuman Hunarmandlar uyushmasi raisi X. Kazakovning hisoboti eshitildi va ushbu yo‘nalishda amalga oshirilayotgan ishlar muhokama qilindi.

Yig‘ilishda, shuningdek, “O‘zbekiston–2030” strategiyasi ijrosi doirasida tumanda maktabgacha va maktab ta’limi tizimini rivojlantirish borasida amalga oshirilgan ishlar haqida tuman Maktabgacha va maktab ta’limi bo‘limi mudiri N. Saparovaning hisoboti ham ko‘rib chiqildi.