Xalq deputatlari tuman Kengashi deputati F.Turayev tomonidan Charxin MFYda aholi bilan uchrashuv tashkil etildi. Uchrashuvdan ko‘zlangan asosiy maqsad fuqarolar bilan bevosita muloqot qilish, ular muammo va taklifini tinglash hamda hududni ijtimoiy-iqtisodiy rivojlantirishga oid masalalarni muhokama qilishdan iborat bo‘ldi.

Uchrashuv davomida mahalla aholisi tomonidan ichki yo‘llar holati, ko‘chalarni yoritish, obodonlashtirish ishlari, ichimlik suvi, kommunal xizmatlar sifati hamda boshqa ijtimoiy masalalar yuzasidan fikr-mulohazalar bildirildi. Fuqarolar o‘zlarini qiynayotgan muammolarni ochiq bayon qilib, ularni hal etish bo‘yicha takliflarini ilgari surdilar.

Deputat tomonidan bildirilgan murojaatlar o‘rganilib, ularni bartaraf etish yuzasidan tegishli tashkilot va mutasaddilar bilan hamkorlikda zarur choralar ko‘rilishi ta’kidlandi. Aholi bilan doimiy muloqot qilish, joylarda mavjud muammolarni o‘rganib borish muhimligi qayd etildi.