Mamlakatimizda yoshlar masalasiga qaratilayotgan e’tibor yana bir muhim tashabbus bilan davom etdi. Davlat rahbari tomonidan payshanba kuni “Yoshlar kuni” deb e’lon qilinishi – bu yosh avlodga bo‘lgan yuksak ishonch va e’tiborning yana bir yorqin ifodasidir.

Mazkur tashabbus doirasida xalq deputatlari Pastdarg‘om tuman Kengashi kotibiyati mudiri F.Xolnuratova yoshlar bilan ochiq muloqot o‘tkazdi. 

Uchrashuv davomida yoshlarning taklif va tashabbuslari tinglandi, ularni qiynayotgan masalalar yuzasidan fikr almashildi hamda kelgusidagi rejalar muhokama qilindi.

Samimiy va ochiq ruhda o‘tgan uchrashuvda ta’lim, bandlik, tadbirkorlik, sport va madaniyat yo‘nalishlarida amalga oshirilayotgan ishlar haqida atroflicha ma’lumot berildi. 

Shuningdek, yoshlarning innovatsion g‘oyalari va startap loyihalarini qo‘llab-quvvatlash, ularni har tomonlama rag‘batlantirish masalalariga alohida e’tibor qaratildi.