Xalq deputatlari Guliston shahar Kengashi deputati Erkin Abdurahmonov tomonidan Buyuk kelajak mahallasida mahalla yettiligi hamda saylovchilar bilan uchrashuv o‘tkazildi.

Uchrashuv davomida deputat tomonidan hududda firibgarlik va jinoyatchilikka qarshi kurashish, huquqbuzarliklarning oldini olish borasida tushuntirishlar berildi. Shuningdek, mahalla ijtimoiy xodimi tomonidan aholining ijtimoiy ehtiyojmand toifalariga ko‘rsatilayotgan xizmatlar, manzilli yordam va qo‘llab-quvvatlash choralari haqida ma’lumot berildi.

Bundan tashqari, mahalla hokim yordamchisi va deputat ko‘magida mahalla fuqarosining avtomobil ta’mirlash ustaxonasini kengaytirish maqsadida 18 foizli imtiyozli 50 million so‘m kredit ajratilishiga amaliy yordam ko‘rsatildi.

Uchrashuv yakunida fuqarolarni qiynayotgan masalalarni tizimli hal etish, bandlikni ta’minlash hamda hududda tadbirkorlikni rivojlantirish bo‘yicha tegishli vazifalar belgilab olindi.