Xalq deputatlari Guliston shahar Kengashiga 5-“Yangi hayot” saylov okrugidan deputat V. Xasanov Yangi hayot mahallasida bo‘ldi.

Bir muddat oldin deputatlik faoliyatining eng muhim yo‘nalishlari bo‘yicha Bahoriston va Fazilat ko‘chalari aholisi tomonidan hududdagi maishiy chiqindilar o‘z vaqtida olib ketilmayotgani hamda ichimlik suvi quvurlarining nosoz holatda ekanligi yuzasidan murojaat kelib tushgan bo‘lib, mazkur masalalar deputat tomonidan nazoratga olinib, tegishli tashkilotlarga deputatlik so‘rovi yuborilgan edi.

Bugun deputat murojaat ijrosini joyiga chiqib o‘rgandi. O‘rganish davomida muammo bartaraf etilgani ya`ni chiqindilarni olib ketish ishlari yo‘lga qo‘yilgani hamda suv quvurlari ta`mirlangani aniqlandi.

Deputat tomonidan hududdagi mavjud masalalarni tizimli hal etish, aholi murojaatlariga tezkor munosabat bildirish ishlari davom ettiriladi.