O‘zbekiston Respublikasi Prezidenti tashabbusi bilan og‘ir mahallalarni hududlarni kompleks rivojlantirish, infratuzilmani yaxshilash hamda aholi turmush sifatini oshirishga qaratilgan topshiriqlariga asosan, hududlarni o‘rganish,  “Master reja” loyihasini ishlab chiqish doirasida viloyat Kengashi deputati Durdona Xatamova hamda Qurilish fakulteti talabalari tomonidan Yangiqo‘rg‘on tumanida joylashgan “Qutlug‘tol” mahalla fuqarolar yig‘ini hududida o‘rganish ishlari olib borildi. 

O‘rganish jarayonida mahalla hududidagi mavjud infratuzilma obyektlari, ijtimoiy soha muassasalari, yo‘l-transport tarmoqlari, muhandislik kommunikatsiyalari hamda obodonlashtirish ishlarining holati atroflicha tahlil qilindi. Shuningdek, aholi bilan muloqot o‘tkazilib, ularning taklif va murojaatlari o‘rganildi. O‘tkazilgan o‘rganishlar natijasida hududni yanada rivojlantirish, mavjud muammolarni bartaraf etish va kelgusida amalga oshiriladigan ishlar bo‘yicha aniq chora-tadbirlar rejasi ishlab chiqildi.