Xalq deputatlari Parkent tuman Kengashining 17-Bo‘rsiliq saylov okrugidan saylangan deputati Muxitdinov Xusnitdin Muxitdinovich o‘z okrugidagi “Qo‘shshukr” MFY yettiligi bilan uchrashuv o‘tkazdi. Uchrashuv davomida mahallada amalga oshirilishi lozim bo‘lgan dolzarb masalalar muhokama qilindi. Xususan, mahalla ayollari o‘rtasida mavjud muammolar, ko‘makka muhtoj, nogironligi bo‘lgan hamda kam ta’minlangan oilalarni ijtimoiy himoya qilish masalalari atroflicha ko‘rib chiqildi. Shuningdek, hududdagi ichki yo‘llarni ta’mirlash, ko‘cha chiroqlarini yoritish hamda ichimlik suvi ta’minotidagi mavjud muammolar yuzasidan fikr almashildi. Uchrashuv yakunida ko‘tarilgan masalalarni bosqichma-bosqich hal etish bo‘yicha zarur chora-tadbirlar rejasi belgilab olindi.