Xo‘jayli tumani hokimligining majlislar zalida Xalq deputatlari tumanlik Kengashining o‘n to‘qqizinchi sessiyasi bo‘lib o‘tdi. Sessiyani Xalq deputatlari tumanlik Kengashi raisi I.Kochkarov boshqarib bordi, unda tuman hokimi J.Ermashev, deputatlar va keng jamoatchilik vakillari ishtirok etdi. Dastlab davlat madhiyalari yangradi. Kun tartibida 3 ta masala atroflicha qizg‘in muhokama qilinib, ma’ruzachilarning hisobotlari diqqat bilan tinglandi. Muhtaram Prezidentimizning alohida e’tiboriga ko‘ra, mahallalarni rivojlantirish va jamiyatni takomillashtirish yilida tuman hududidagi 3 ta mahallani Yangi O‘zbekiston toifasiga o‘zgartirish, 7 ta og‘ir mahallani obodonlashtirish bo‘yicha amalga oshiriladigan muhim loyihalar, shuningdek, chora-tadbirlar dasturlari taqdim etildi. Barcha masalalar yuzasidan deputatlar o‘z fikr va takliflarini bildirdi. Sessiya yakuni bo‘yicha deputatlarimiz ma’qullashi bilan tegishli qarorlar qabul qilindi.