Халқ депутатлари Янгиқўрғон туман Кенгаши депутати Ёкубжонов Жаҳонгир Зокиржонович томонидан ҳудудларда аҳоли билан учрашувлар ўтказилиб, фуқароларнинг ижтимоий, иқтисодий ва маиший муаммолари ўрганилди. Хусусан, хонадонма-хонадон хатловга олиш жараёнида юзага келаётган қийинчиликлар, маълумотларни тўплашдаги техник ва ташкилий муаммолар, шунингдек, аҳоли томонидан билдирилаётган таклиф ва мурожаатлар атрофлича таҳлил қилинди.

Ўрганишлар натижасида аниқланган муаммоларни бартараф этиш, аҳолига кўрсатилаётган давлат хизматлари сифатини яхшилаш ҳамда хатлов жараёнини самарали ташкил этиш мақсадида тегишли ташкилотлар билан ҳамкорликда аниқ чора-тадбирлар режаси ишлаб чиқилди. Мазкур масалалар депутат назоратига олиниб, уларнинг ижроси мунтазам равишда мониторинг қилиб борилиши белгиланди.