2025-yil avgust oyida o‘tkazilgan “Tashabbusli byudjet” loyihasi doirasida Angor tumani Gulzor mahallasi fuqarolari tashabbusi bilan umumiy qiymati 1 milliard 500 million so‘m bo‘lgan elektr ta’minotini yaxshilash loyihasi g‘olib deb topilgan edi. Ayni kunlarda mazkur loyiha asosida mahallada elektr tarmoqlarini yangilash hamda infratuzilmani yaxshilash ishlari amalga oshirilmoqda. Shu munosabat bilan xalq deputatlari Angor tumani Kengashi deputati Raximqulov Jamshid tomonidan olib borilayotgan ishlar joyiga chiqib ko‘zdan kechirildi hamda mas’ullar bilan birgalikda kelgusi vazifalar belgilab olindi. Fuqarolar manfaatlari yo‘lida amalga oshirilayotgan ishlar izchil davom etmoqda.