Xalıq deputatları Bozataw Keńesiniń deputatı, G.Bekosinova tárepinen «Erkindarya» APJ puqaraları menen ushırasıw ótkerildi.

Ushırasıw dawamında ótken dáwir dawamında máhállelerde ámelge asırılǵan jumıslar, sonıń ishinde, sociallıq tarawdaǵı reformalar, infrastrukturanı jaqsılaw hám xalıqtıń múrájatları tiykarında sheshilgen máseleler boyınsha tolıq maǵlıwmatlar berildi. Sonday-aq, "Baslamalı byudjet" elektron platformasına xalıqtıń kóp jıllardan berli qiynap kiyatırǵan mashqalalardı jaylastırıw joybarların tallaw hám xalıqtı hám awıl xojalıǵın dizimge alıw boyınsha jumıslardıń baslanǵanlıǵı haqqında pikir bildirildi.

Bunnan tısqarı, ushırasıw dawamında máhállerdıń ishki kóshelerindegi gónergen sim aǵashlardı jańa beton sim aǵashlarǵa almastırıw, ishki jollardıń qara qaplamalı asfalt jolın tósew máselesinde ámeliy járdem soraldı. Bul múrájatlar deputat tárepinen qadaǵalawǵa alındı.