Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi on segizinshi sanlı sessiyası bolıp ótti.
Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi on segizinshi sanlı sessiyası bolıp ótti.

Sessiya jumısına siyasiy partiyalar, rayon hákiminiń orınbasarları, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.

Sessiya kún tártibinde jámi 11 másele kórip shıǵıldı.

1.Xalıq deputatları Bozataw rayonlıq Keńesiniń hám turaqlı komissiyalarınıń 2026-jıl ushın mólsherlengen is-rejelerin tastıyıqlaw haqqında.
2.Qaraqalpaqstan Respublikası Joqarǵı Keńesi Baslıǵınıń 2026-jıl 21-yanvar kúngi 272-B-sanlı biyligin tastıyıqlaw haqqında.
3.Bozataw rayonın 2025-jıl sociallıq-ekonomikalıq rawajlandırıw baǵdarında ámelge asırılǵan jumıslar hám 2026-jıl ushın belgilengen rejeler haqqında.
4.Bozataw rayonında aymaqlardı rawajlandırıwdı jánede jedellestiriw hám xalıq bántligin támiyinlew boyınsha islep shıǵılǵan “drayver” joybarlardan nátiyjeli paydalanıw boyınsha is-ilajlar dástúri haqqında.
5.Bozataw rayonı prokuraturası tárepinen rayon aymaǵında nızamshılıqtı bekkemlew, puqaralardıń huqıq erkinliklerin, jámiyet hám mámleket máplerin qorǵaw, jınayatshılıqtıń-huqıqbuzarlıqtıń aldın alıw hám profilaktika qılıw boyınsha 2025-jıldıń 12 ayı dawamında ámelge asırılǵan jumısları haqqında.
6.Bozataw rayonı IIB baslıǵınıń rayon aymaǵında huqıqbuzarlıqlardıń aldın alıw hám olardıń profilaktikası boyınsha 2025-jıldıń 12 ayı dawamında ámelge asırılǵan jumısları haqqında.
7.Bozataw rayonı ádillik bólimi tárepinen 2025-jıldıń IV shereginde ámelge asırılǵan jumısları haqqında.
8.Xalıq deputatları Bozataw rayonlıq Keńesindegi LiDeP toparınıń usınısına tiykar Bozataw rayonı salıq inspekciyası tárepinen 2025-jıl dawamında byudjetke túsimlerdi támiyinlew hámde jergilikli byudjetke qosımsha dereklerdi tabıw boyınsha ámelge asırılǵan jumısları haqqında.
9.Rayonlıq Ishki isler bólimi baslıǵı orınbasarı, jámiyetlik qáwipsizlik xızmeti tárepinen 2025-jıldıń 12 ayı dawamında ámelge asırılǵan jumısları haqqında.
10.Bozataw rayonı abadanlastırıw basqarması tárepinen 2025-jılda ámelge asırılǵan jumısları boyınsha esabatı hám Ózbekstan Respublikası Ministrler Kabinetiniń 2024-jıl 11-oktyabrdegi 665-sanlı qararına muwapıq rayonlıq abadanlastırıw basqarmasına tiyisli ishki jollardı saqlaw hám ońlaw jumısları boyınsha 2026-jıl ushın dáslepki mánzilli dizimin tastıyıqlaw haqqında.
11.Xalıq deputatları Bozataw rayonlıq Keńesiniń turaqlı komissiyaları quramına ózgeris hám qosımshalar kiritiw haqqında.

Bolıp ótken sessiya dawamında kórip shıǵılǵan máseleler boyınsha deputatlar tárepinen tiyisli tártipte sorawlar hám pikir usınıslar bildirildi. Sonday-aq, kún tártibindegi belgilengen máseleler tolıq qarap shıǵıldı hám deputatlar tárepinen tiyisli sheshimler qabıl etildi.