Dehqonobod tumanida yangilanayotgan “O‘zbekiston – 2030” strategiyasi loyihasi targ‘iboti 

Xalq deputatlari Dehqonobod tuman Kengashi raisi Zebiniso Salimova, Xalk deputatlari Dehqonobod tuman Kengashi kotibiyati mudiri G‘.Xo‘jamqulov va tuman Kengashi deputatlari tomonidan Bo‘ston mahalla fuqarolar yig‘ini binosida, Dehqonobod tuman kasb-hunar markazida va tumandagi 97-umumiy o‘rta ta’lim maktabida "O‘zbekiston - 2030"strategiyasi loyihasinig jamoatchilik muhokamasi yuzasidan uchrashuvlar o‘tkazildi. 

Xalq deputatlari Dehqonobod tuman Kengashi raisi Zebiniso Salimova tomonidan yangilanayotgan "O‘zbekiston - 2030" strategiyasi bo‘yicha hamda o‘tgan yillarda davlatimizda amalga oshirilgan islohotlar, barcha sohalarda erishilgan natijalar to‘g‘risida yig‘ilish ishtirokchilariga ma’lumot berib o‘tdi. Uchrashuv davomida O‘zbekiston ishlab chiqarish salohiyatini yanada oshirish,yalpi ichki mahsulot hajmini oshirish,qishloq xo‘jaligi,sanoat,sun’iy intellekt,ta’lim,sport, tibbiyot sohalarini rivojlantirish, mamlakat eksport salohiyatini yuksaltirish, mahallalarni rivojlantirish bo‘yicha Prezidentimiz tomonidan Oliy Majlis va O‘zbekiston xalqiga Murojaatnomada bildirilgan fikrlar yuzasidan suhbatlashildi. 

Yig‘ilish ishtirokchilarga WWW.UZBEKISTAN2030.UZ platformasida takliflar berishlari mumkinligi tushuntirildi.