Siyosiy yetuklik, tashabbuskorlik va xalq bilan hamnafaslik – partiya faoliyatining asosiy mezoni

Toshkent viloyati Parkent tumani Qiziltog‘ shaharchasida O‘zbekiston Xalq demokratik partiyasining muhim siyosiy-ma’rifiy tadbiri – amaliy o‘quv-seminar bo‘lib o‘tdi. Ushbu seminar partiyaning Markaziy Kengashi tashabbusi bilan, partiyaning Toshkent shahar va Toshkent viloyati kengashi xodimlari, tuman shahar kengashi raislari ishtirok etishdi. Amaliy o‘quv-seminardan ko‘zlangan asosiy maqsad – partiyaning mahalliy darajadagi faoliyatini yanada kuchaytirish, siyosiy faollarning bilim va ko‘nikmalarini oshirish, deputatlar va partiya mas’ullari o‘rtasida o‘zaro tajriba almashish, shuningdek, namunali boshlang‘ich partiya tashkilotlari faoliyati bilan tanishish orqali amaliy yondashuvni rivojlantirishdan iboratdir.