O‘zbekiston Respublikasi Oliy Majlisi Senatining Kengashining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi 2025-yil 14-yanvarda qabul qilingan KQ-35-sonli qarori ijrosi yuzasidan xalq deputatlari Termiz shahar Kengashi deputati Sh.Allamurodova va O‘zbekiston Respublikasi Prezidentining Termiz shahridagi Xalq qabulxonasi yetakchi mutaxassisi Z.Xasanov ishtirokida shaharning “Bog‘ishamol” mahallasida nazorat-tahlil tadbiri o‘tkazildi.

O‘rganish davomida mahalla yettiligi tomonidan yo‘l qo‘yilgan kamchiliklar ko‘rsatib o‘tildi hamda qarorda keltirilgan topshiriqlar ijrosini sifatli ta’minlash bo‘yicha vazifalar belgilab berildi.