Namunali xonadonlarga e’tibor va rag‘bat bor

Mavsum boshlanishi munosabati bilan Piskent tumani xaq deputatlari tuman Kengash raisi M.Aripov namunaviy pillachilardan biri — Xaliqovlar xonadonida mehmon bo‘ldi. Ular yil sayin rejadan ortiq pilla topshirib, o‘z sa’y-harakatlari bilan boshqalarga o‘rnak bo‘lib kelmoqda. Shuningdek, M.Aripov shu honadoning tomorqasidagi sharoitlar bilan ham yaqindan tanishdi — u yerda asal arilari boqilayotgani, kartoshka ekilgani, yerdan samarali foydalanilayotgani uning e’tiborini tortdi. Xonadon egasining bunyodkorlik va tashabbuskorlik bilan ish tutganini yuqori baholab, “Siz Prezidentimiz tomonidan ilgari surilayotgan namunaviy xonadon siyosatiga amaliy hissa qo‘shib kelyapsiz, sizga rahmat,” deya samimiy minnatdorlik bildirdi.