#tavsiyalar_asosida

Xalq deputatlari Kogon shahar Kengashi raisi A. Yangiyev, kotibiyat mudiri Sh. Isamutdinov hamda mutaxassislar I. Ikromov va Z. Temirovalar Ziyokor MFYda istiqomat qiluvchi 90 yoshli nuroniy onaxon holidan xabar oldi.

Samimiy muloqot davomida onaxonning salomatligi, yashash sharoiti va uni qiynab kelayotgan masalalar o‘rganildi. Suhbat chog‘ida uy-joyning kadastr hujjatlari bilan bog‘liq muammo uzoq yillardan buyon yechimini kutib kelayotgani ma’lum bo‘ldi.

Mazkur masala Xalq deputatlari Kogon shahar Kengashi raisi A. Yangiyev tomonidan nazoratga olinib, tegishli mutasaddilar ishtirokida muhokama qilindi. Natijada muammoni bartaraf etish bo‘yicha amaliy choralar belgilandi va masalaning ijobiy yechim topishi uchun zarur ishlar boshlab yuborildi.

Onaxon o‘z murojaatiga e’tibor qaratilganidan mamnunligini bildirib, bildirilgan sa’y-harakatlar uchun minnatdorlik izhor etdi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash