SPORT INFRATUZILMASINI YAXSHILASH — YOSHLAR TARBIYASIGA XIZMAT QILADI

Xalq deputatlari Ohangaron tuman Kengashi deputati tomonidan 7-Quyun saylov okrugida joylashgan 47-sonli umumta’lim maktabida o‘rganish ishlari olib borildi. O‘rganish jarayonida maktab sport zali holati alohida e’tiborga olinib, mavjud muammolar aniqlandi.

Aniqlangan kamchiliklarni bartaraf etish maqsadida mazkur sport zali deputat tomonidan nazoratga olinib, tegishli tashkilotlar ko‘magida zarur ta’mirlash ishlari amalga oshirildi. Natijada o‘quvchilar uchun yanada qulay va zamonaviy sharoitlar yaratildi.

Shuningdek, o‘rganish ishlari davomida tuman Kengashi kotibiyati bosh mutaxassislari O‘. Abduqodirov hamda G. Erkinovalar deputat bilan birgalikda joyiga chiqib, amalga oshirilgan ishlar hamda mavjud holatni atroflicha ko‘zdan kechirdilar.

Bu kabi ishlar hududlarda ijtimoiy infratuzilmani rivojlantirish, yoshlarning sportga bo‘lgan qiziqishini oshirish hamda sog‘lom turmush tarzini targ‘ib etishda muhim ahamiyat kasb etadi.