O‘rganish jarayonida mahallada aholi murojaatlari bilan ishlash, fuqarolarning ijtimoiy himoyasini ta’minlash, obodonlashtirish va ko‘kalamzorlashtirish ishlari, ichki yo‘llar, ko‘cha yoritish tizimi, ichimlik suvi va boshqa kommunal xizmatlar holati yuzasidan mas’ullar bilan suhbatlar o‘tkazildi.

Shuningdek, mahallada “Mahalla yettiligi” tomonidan amalga oshirilayotgan ishlar, ehtiyojmand oilalarni qo‘llab-quvvatlash, yoshlar bandligini ta’minlash, xotin-qizlar bilan ishlash hamda aholi muammolarini o‘z vaqtida hal etish borasidagi faoliyat tahlil qilindi.

Fuqarolar bilan ochiq muloqot davomida bildirilgan murojaat va takliflar atroflicha o‘rganilib, ularni ijobiy hal etish yuzasidan tegishli tashkilot va mutasaddilarga tavsiyalar berildi. Aniqlangan masalalar bo‘yicha amaliy choralar ko‘rish hamda ularning ijrosini nazorat qilish belgilab olindi.

Mazkur o‘rganishlar hududlarda mavjud muammolarni aniqlash, aholi farovonligini oshirish hamda mahallalarda olib borilayotgan ishlar samaradorligini yanada kuchaytirishga xizmat qiladi.