Maktabgacha ta’lim muassasasidagi sharoitlar deputat tomonidan o‘rganildi

4-iyun kuni Xalq deputatlari Termiz tumani Kengashi 4-Yangihayot saylov okrugi deputati, O‘zXDP Termiz tuman Kengashi raisi G. Shafoatova tomonidan hududdagi maktabgacha ta’lim muassasasida o‘rganish ishlari olib borildi.

O‘rganish jarayonida muassasa 280 o‘ringa mo‘ljallangan bo‘lishiga qaramasdan, amalda 359 nafar bola tarbiya olayotgani aniqlandi. Shuningdek, muassasada jami 13 ta guruh faoliyat yuritayotgani, shundan 9 tasi umumiy hamda 4 tasi qisqa muddatli guruh ekanligi ko‘rib chiqildi.

Deputat tomonidan bolalarning ta’lim-tarbiya olishi uchun yaratilgan sharoitlar, guruhlarning faoliyati hamda mavjud quvvatdan foydalanish holati o‘rganilib, aniqlangan masalalar yuzasidan tegishli tavsiya va takliflar bildirildi.