Deputatlik so‘rovi yuborildi:

Xalq deputatlari Termiz tuman Kengashining 2026-yil 16-apreldagi VII-17-58-8-117-K/26-sonli qarori, O‘zbekiston Respublikasi Prezidentining 2021-yil 13-apreldagi PQ-5072-sonli qarori hamda O‘zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-sonli qarorlari ijrosini ta’minlash maqsadida deputatlik nazorati tartibida deputatlik so‘rovi yuborildi.

Mazkur deputatlik so‘rovi jamoatchilik fikri asosida shakllantirilgan va ovoz berish yakunlariga ko‘ra g‘olib deb topilgan tashabbus doirasida Quyoshli yurt MFY hududidagi 31-sonli umumiy o‘rta ta’lim maktabining moddiy-texnik bazasini rivojlantirish bo‘yicha amalga oshirilayotgan ishlar holatini o‘rganishga qaratilgan.

Xususan, maktabda moddiy-texnik bazani mustahkamlash bo‘yicha bajarilgan ishlar, ushbu maqsadlar uchun ajratilgan mablag‘larning maqsadli va samarali sarflanishi, bajarilgan ishlarning sifati hamda obyektning foydalanishga tayyorlik darajasi yuzasidan tegishli ma’lumot va tushuntirishlar so‘ralgan.