Xalq deputatlari Chilonzor tumani Kengashining 2025-yil 7-noyabrdagi III-13-88-14-204-K/25-son qaroriga muvofiq, deputat Maxmudova Dono Artikovna tomonidan ilgari surilgan tashabbus asosida Charx Kamolon-2 mahallasidagi 170 va 171-uylar oldi hududida asfalt qoplamasi yotqizish ishlari bajarildi.

Mazkur loyihani amalga oshirish uchun tuman hokimligi tomonidan 106 700,0 so‘m mablag‘ yo‘naltirildi. Natijada umumiy maydoni 970 kvadrat metr bo‘lgan hududda zamonaviy asfalt qoplamasi yotqizilib, qurilish-ta’mirlash ishlari to‘liq yakunlandi.

Amalga oshirilgan ishlar mahalla infratuzilmasini yanada yaxshilash, piyodalar va transport harakati uchun qulaylik yaratish hamda hududning obod qiyofasini ta’minlashga xizmat qilmoqda.

✅ Aholi manfaatlariga qaratilgan bunday tashabbuslar asosida mahallalarni yanada obod va farovon maskanga aylantirish ishlari davom ettiriladi.