Xalq deputatlari Guliston tuman Kengashining 15-A.Qahhor saylov okrugi deputati, kotibiyat mudiri D.Anarkulova tomonidan uyma-uy yurishlar asosida saylovchilar bilan uchrashuvlar o‘tkazilib, ularning murojaat va takliflari o‘rganilmoqda.
O‘rganishlar jarayonida Soyibobod MFY, Bo‘ston-2 ko‘chasida yashovchi, “Ayollar daftari” ro‘yxatida turuvchi Vahobova Madinaning murojaati ham ko‘rib chiqildi.
Murojaat asosida uning farzandi Bahobova Shodiynaning oliy ta’lim muassasasiga o‘qishga kirishini qo‘llab-quvvatlash maqsadida tavsiyanoma berildi.
Fuqarolarning murojaatlariga yechim topish, yoshlarning ta’lim olishi uchun zarur ko‘mak ko‘rsatish hamda xotin-qizlarni qo‘llab-quvvatlash borasidagi ishlar izchil davom ettirilmoqda.
Har bir yoshning bilim olishi va o‘z orzulariga erishishi — jamiyatimiz taraqqiyotining muhim omilidir.