Aholi toza ichimlik suvi bilan taʼminlanmoqda
Xalq deputatlari Baxmal tuman Kengashi raisi A.Zikiryayev hamda tuman Kengashi kotibiyati mudiri B.Amanovlar “Oʻsmat” MFY hududida olib borilayotgan ichimlik suvi tarmogʻini tortish ishlari bilan yaqindan tanishdi.
Oʻrganish davomida mutasaddilar qurilish-montaj ishlarining sifati, belgilangan standartlarga mosligi hamda loyihaning yakunlanish muddatlariga alohida eʼtibor qaratdi. Ushbu yangi tarmoq ishga tushishi natijasida mahalla ahlini toza ichimlik suvi bilan barqaror taʼminlash darajasi yanada yaxshilanadi.
Tuman Kengashi raisi masʼullarga ishlarni jadallashtirish va sifatli yakunlash yuzasidan tegishli koʻrsatmalar berdi. Aholi farovonligini oshirishga qaratilgan bunday loyihalar Kengash deputatlarining doimiy nazoratida qoladi.