Xalq deputatlari Zarbdor tuman Kengashiga 8-Oybek saylov okrugidan saylangan deputat Dilrabo Ochilova tomonidan Oybek mahallasi profilaktika inspektorining joriy yil boshidan bugungi kunga qadar amalga oshirgan ishlari o‘rganildi.

O‘rganish jarayonida mahalladagi kriminogen vaziyat, huquqbuzarlik va jinoyatchilikning oldini olish borasida amalga oshirilayotgan profilaktik tadbirlar tahlil qilindi. Ma’lum qilinishicha, mahalla jinoyatchilik bo‘yicha “yashil” toifada bo‘lib, kriminogen vaziyat og‘ir bo‘lgan hududlar ro‘yxatiga kiritilgan.

Joriy yilning o‘tgan davrida mahalla hududida 1 ta talonchilik, 1 ta bezorilik hamda 1 ta o‘g‘rilik holati qayd etilgan. Ushbu holatlarning oldini olish va takrorlanishiga yo‘l qo‘ymaslik maqsadida profilaktik choralar kuchaytirilgan.

Shuningdek, kiberjinoyatchilikka qarshi kurashish bo‘yicha aholi o‘rtasida keng ko‘lamli targ‘ibot-tashviqot ishlari olib borilgan. Hududda jinoyatchilikning oldini olish maqsadida tungi reydlar muntazam tashkil etilib, kuzatuv kameralari hamda avtopatrul xizmatlari yo‘lga qo‘yilgani qayd etildi.